Hallingdal Dansekompani er ein viktig aktør innan talentutvikling og fordjuping i dans i Hallingdal. Gjennom kompaniet får elevane møte inspirerande og dyktige pedagogar og koreografar frå både Noreg og utlandet. Ungdomskompaniet vil i løpet av året møte ulike dansekunstnarar og koreografar, og bli introdusert til forskjellige koreografiske arbeidsmetodar. Det vert arrangert workshops og prosessar der ein saman med koreografen skapar eit verk. I tillegg vil elevane få sjå framsyningar og ha samtalar med profesjonelle dansekunstnarar og koreografar.
Hallingdal Dansekompani legg vekt på å utvikle både tekniske og kreative ferdigheiter i tråd med rammeplanen for kulturskulen. Elevane får oppleve meistring, skaparglede og kunstnarleg utvikling, der dei vert utfordra til å utvikle sitt talent og kunstnarlege uttrykk.
Sprang – Ål kulturhus er ein viktig samarbeidspartnar for kompaniet Kompaniet er også ein frivillig stiftelse.
Kompaniet har 12 plassar og har audition i mai/juni kvart år. Audition for skuleår 2026-2027 er 4. juni på Ål kulturhus. Ta kontakt for påmelding.
Kompanimedlemmer 2025-2026:
- Aurora Skarpås
- Elinor Flaget
- Ella Geirsdottir Sæternes
- Frida Runningshaugen-Wikstrand
- Hanne Sataslåtten
- Ida Hagen Asavangen
- Idun Oleivsgard
- Iver Nordby Endrestøl
- Maja Svanaasen
- Maja Antonina Jankowska
- Oda Johnsrud Brattegard
- Sybil Anne Jackson
Fast trenar: Marte Medgard Skår
